انصار (دسنبلی ۳۱مه )، ټاکل شوې چې نن د ملګرو ملتونو د عمومي غونډې په څنډه کې په افغانستان کې له جنسیتي تبعیض سره د مبارزې تر عنوان لاندې د افغان ښځو د وضعیت په اړه ناسته جوړه شي
په ملګرو ملتونو کې د افغانستان استازي نصیر احمد فایق ویلي چې دا ناسته به نن د نیویارک پر وخت شاوخوا درې بجې پيل شي.
دا غونډه په ملګرو ملتونو کې د افغانستان د دایمي استازولۍ لخوا، په ملګرو ملتونو کې د مالټا، سوېلي افریقا او ډومینیکا جمهوریت له دایمي استازولیو سره په همغږۍ کې رابلل شوې ده.
په دې ناسته کې به د بشري حقونو د بېلابېلو ډلو او بنسټونو استازي ګډون ولري.
ویل شوي چې په افغانستان کې د ملګرو ملتونو ځانګړی ریپورټر ریچارډ بنټ او د بشري حقونو د څار سازمان مرستیاله هیدربار به هم په دغه ناسته کې ګډون وکړي.
دا ناسته په داسې حال کې را بلل کېږي، چې دوه ورځې وړاندې د نړۍ ۱۲ هېوادونو په یوه ګډه اعلامیه کې په افغانستان کې د ښځو د وضعیت په اړه ژوره اندېښنه ښوودلې وه.
URL تعقيب: https://www.ansarpress.com/pashto/27150
امرالله صالح: د طالب جګړه د دین لپاره نه د قدرت لپاره ده، د نورو د ګټو لپاره خپل خلک وژني